Zebur 86

86-njy mezmur

1 Koranyň nesillerine. Mezmur. Nagma.

2 Reb şäheriniň binýady mukaddes daglardadyr.

Reb söýýär Ýakup halkynyň ähli mesgenlerini,

aýratyn-da Sionyň derwezelerini.

3 Eý, Hudaý şäheri!

Sen hakda şöhratly zatlar aýdylýar. Sela

4 Reb şeýle diýýär:

«Özümi tanaýanlaryň ýanynda

Men Rahaby we Babyly agzaýyn,

Pilişt, Sur, Efiopiýa ýurtlaryny ýatlaýyn;

Diýýärler: „Bu adam Sionda doglan“».

5 Sion babatda şeýle aýdylar:

«Bu adam hem, ol adam hem şu ýerde doglan».

Beýik Hudaýyň hut Özi ony berkarar eder.

6 Reb «Bu adam Sionda doglan» diýip,

halklaryň sanawyny ýazanda bellär. Sela

7 «Meniň ähli gözbaşlarym Sionda» diýip,

bagşylar we tansçylar biragyzdan aýdarlar.